काठमाडौं । साउन ४
चिकित्सा क्षेत्र सुधारको विभिन्न माग राखि विगत १० दिन देखी आठौं पटक आमरण अनसन बसेका डा. गोविन्द केसीका १२ जना समर्थकहरुलाई प्रहरीले पक्राउ गरेको छ । अनसनको १० औ दिन डा. केसीको स्वास्थ्य अवस्था गंभिर बनिसन्दा पनि सरकारले बेवास्ता गरेको भन्दै बालुवाटार घेर्न पुगेका उनीहरुलाई निषेधित क्षेत्र तोड्न खोजेपछि प्रहरीले पक्राउ गरेको हो । उनीहरुले बालुवाटारमा डा. केसीको मागको यथाशिघ्र सुनुवाई हुनु पर्ने , सरकार जिम्मेवार भएर चिकित्सा क्षेत्रको समस्या समाधान गर्नुपर्ने लगायतका माग राख्दै नाराबाजी गरेका थिए । त्यसपछि उनीहरुले निषेधित क्षेत्र तोड्न खोजेका थिए । पक्रउ परेका उनीहरुलाई महानगरिय प्रहरी वृत कमलपोखरीमा राखिएको महानगरिय प्रहरी परिसरले जनाएको छ ।
Post a Comment