बलिउडमा अचेल एउटा खबर फैलिएको छ– विद्या बालन डिभोर्स चाहन्छिन् । भारतीय अनलाइन मिडियाहरूले विद्याका पति निर्माता सिद्धार्थरोय कपुरसँग सम्बन्ध चिसिएको र उनले छुटकारा चाहेको खबर प्रकाशित गरेका छन् ।
तर, विद्याले भने यी सबै अफवाह भएको दाबी गरेकी छिन् । उनले आफू र पति सिद्धार्थबीच पहिलाजस्तै नै सुमधुर सम्बन्ध रहेको पनि जिकिर गरेकी छिन् । ‘अचेल मैले सिद्धार्थसँग सेल्फी लिन भ्याएकी छैन ।
उनी र म कुनै प्रोग्राममा हात समातेर सँगै नहिँडेको पनि धेरै भयो । यसको मतलब यो होइन कि म डिभोर्स लिँदै छु,’ आक्रोशित हुँदै विद्या भन्छिन्, ‘कार्य व्यस्तताले पति–पत्नी सधैँ सँगै हुन सकिँदैन ।
परिस्थिति सधैँ एकैनासको पनि हुँदैन । यसमा अफवाह फैलाइहाल्नु निकै गलत हो ।’ विद्या र सिद्धार्थले चार वर्षअघि बिहे गरेका हुन् । विद्या सिद्धार्थकी चौथी पत्नी हुन् । उनी अचेल आफ्नो फिल्म ‘कहानी–२’को प्रमोसनमा खटिएकी छिन् । नयाँ पत्रिकाबाट
Post a Comment