सो कार्यमा सम्लग्न महाशाखाका निर्देशक डा. आनन्दकुमार श्रेष्ठ, वरिष्ठ जनस्वास्थ्य प्रशासक मदनकुमार श्रेष्ठ, वरिष्ठ जनस्वास्थ्य अधिकृत रत्नलाल श्रेष्ठ, शाखा अधिकृतद्वय डोलराज शर्मा र रुपनारायण खतिवडा, लेखा अधिकृत यदुराज शर्मा नेपाल, फर्मासिष्ट भरतमणि मरहठ्ठा, जनस्वास्थ्य निरीक्षकद्वय रामशरण अधिकारी र रामजी घिमिरे, खरिदार कविराज सुवेदीसमेतले फर्जी बिल पेस गरी भ्रष्टाचार गरेको अभियोगमा उनी निलम्बित भएका थिए ।
तिनै भष्ट्रमध्य रामजीसँग स्वास्थमन्त्री घिमिरे एउटै मञ्चमा देखिएका हुन ।
उता,स्वास्थ्य मन्त्री गगन थापालाई पार्टीदेखि नातेदारले स्वास्थ्य सेवा विभागको महनिर्देशकका लागि फरक फरक ब्यक्तिको सिफारिस गरेपछि उनी अन्योलमा परेका छन् । विभागको महानिर्देशकमा १२ औं तहकी चिकित्सक किरण रेग्मी निर्विवाद उम्मेदवार हुन् । बरिष्ठता र पार्टीको निकटता दुवै हिसाबले रेग्मीलाई बनाउँदा मन्त्री विवादमा पर्दैनन् ।
तर रेग्मीबाट सरुवामा आर्थिक संकलन नहुने देखेर उनलाई महानिर्देशक नबनाई ११ तहका चिकित्सकहरुमध्येबाट बनाउने तयारी भइरहेको छ । मन्त्री थापामाथि बाल स्वास्थ्य महाशाखाका प्रमुख डा. राजेन्द्र पन्तलाई महानिर्देशक बनाउने दबाब परेको छ । मन्त्री थापाका काकाससुरा डा. केदारनरसिंह केसीले राष्ट्रिय क्षयरोग केन्द्रका प्रमुख डा. विकास लामिछानेलाई बनाउनुपर्ने लबिङ गर्दैआएका छन् ।
पार्टीगत निकटताका आधारमा हेर्दा नेपाली कांग्रेस निकट भएकै कारण महानिर्देशक हुने आशामा पुनर्जागरण महाशाखाका भीम आचार्य र ब्यवस्थापन महाशाखाका प्रमुख नरेशप्रताप केसी लागिरहेका छन् ।
Post a Comment