बलिउड अभिनेत्री ज्याकलिन फर्नान्डिज र अभिनेता ऋत्विक रोशनबीच अफेयर चलेको खबर फैलिएको धेरै भयो । श्रीमतीले डिभोर्स गरेपछि एकल जीवन बिताइरहेका ऋत्विकको जीवनमा ज्याकलिन आएको भन्ने चर्चा बलिउड वृत्तमा चलेको थियो । यस्तो हल्लालाई बल पुर्याउनेगरी दुवैजना केही सार्वजनिक स्थानमा सँगै गएको अवस्थामा समेत फेला परेका थिए ।
दुवैले आफूहरूबीच अफेयर रहे-नरहेकोबारे केही बताएका छैनन् । तथापि, ऋत्विकसँग जोडेर ज्याकलिनको चर्चा गर्ने क्रम अझै रोकिएको छैन । यस्तै चर्चामा बल पुर्याउनेगरी उनीहरूले सँगै एउटा भिडियोमा काम गरेका छन् । ‘डेट गन रङ’ टाइटलको सो भिडियोमा उनीहरूले नृत्य गर्दै गरेको दृश्य छ । यो भिडियोसम्बन्धी समाचार आएपछि दुवैजनाको नाम जोडेर पुनः एक पटक अनेक टिप्पणी भएका छन् ।
Post a Comment