जिल्ला वन कार्यालयको इलाका वन कार्यालय चोंचामा कार्यरत श्रेष्ठको घरबाट टुवेल्बर बन्दुकमा लाग्ने ६ राउन्ड गोली, १३० थान खोका, एक किलो फलामको छर्रा, साइकलको बल २०० ग्राम, बारुद आधा किलो, गन्धकको धूलो १०० ग्राम, फलामको ढिका आधा किलो, पटाका १५ थान बरामद भएको छ । प्रहरी निरीक्षक अशोक झाको कमान्डमा गएको जिल्ला प्रहरी कार्यालय गौर र इलाका प्रहरी कार्यालय चन्द्रपुरको संयुक्त टोलीले श्रेष्ठको घरमा छापामारी गर्दा चित्तलको सिंग ६ थान, चित्तलको छाला ५ थान, बँदेलको दात ४ थान, बँदेलको कपाल १०० ग्राम र २३ क्वुफिट सालको फन्टा काठसमेत प्रहरीले बरामद गरेको छ ।
विशेष सूचनाको आधारमा प्रहरीले मंगलबार दिउँसो छापामारी श्रेष्ठको घरबाट अवैध सामानहरु बरामद गरेको इलाका प्रहरी कार्यालय चन्द्रपुरका डिएसपी यादव ढकालले बताएका छन्। बरामद भएको अवैध हातहतियार प्रयोग भएको सम्बन्धमा प्रहरीले मुद्दा चलाउने र वन्यजन्तुका अंगलगायत सामग्रीको विषयमा जिल्ला वन कार्यालय रौतहटले श्रेष्ठमाथि मुदा चलाउने डिएसपी ढकालले बताएका छन्।
छापामारीको क्रममा घरमा कोही पनि नभेटिएको र घरका मानिसहरुको खोजी कार्य भइरहेको प्रहरीले जनाएको छ।
प्रहरीको टोलीले वन्यजन्तु तथा वनसँग सम्बन्धित सामग्री बरामद गरेको अनौपचारिक जानकारी पाएको भन्दै औपचारिक रुपमा सम्बन्धित निकायले त्यसको जानकारी दिए अनुसन्धान गरी कारबाही प्रक्रिया अगाडि बढाइने जिल्ला वन कार्यालय रौतहटका प्रमुख दीर्घराज कोइरालाले बताएका छन्।
Post a Comment