आदित्य नारायणले लाइभ गीत गाउँदा यस्तो क्रेज (भिडियो सहित)

विगत लामो समय देखी नै भारतमा बस्दै आएका गायककार उदित नारायण झा का छोरा आदित्य नारायण झा अहिले नेपालको राजधानी काठमाडौँमा छन् । ‘आदित्य नारायण झा लाइभ इन नेपाल’ कार्यक्रमका लागी नेपाल आएका आदित्य गत शनिवार ठमेल स्थित क्लब फरेन्हाइटमा आफ्नो दमदार प्रस्तुति दिएका थिए । मध्यरातमा प्रस्तुतिको लागी स्टेजमा चढेका आदित्यले केही आफ्ना र केही ट्रेन्डिङमा रहेका हिन्दी गीतहरू प्रस्तुत गरे । आदित्यले आफ्ना बुवा उदित नारायण झा ले गाएका चर्चित गीत ‘कुसुमे रुमाल’ ‘यो गाउँको ठिटो म’ बोलको नेपाली गीत गाए ।

नेपाल आफ्नो घर हो र नेपाली जनता सबै आफ्ना हुन भन्दै नेपाल टेकेका आदित्यले ‘यसपटक सेड्युल अलि प्याक भएर घुम्न पाइन् , अर्को पटक छिटै आउँछु’ भने । सारेगमपा , एक्स फ्याक्टर र खतरा खतरा खतरा जस्ता शो होस्ट गरेर चर्चामा आएका आदित्यले नेपाली गीतसंगीतमा ‘कुसुमे रुमाल २’ मार्फत पार्श्व गायनमा डेब्यु गरेका हुन् । उनी बलिउडका गायक र कार्यक्रम होस्ट मात्रै नभई एक्टर समेत हुन् । क्लब फरेनहाइटको आयोजनामा भएको कार्यक्रममा लाइभ प्रस्तुती दिदै उनले आफुलाई नेपालमा निमन्त्रना गरेकोमा धन्यवाद दिएका छन् । ‘आदित्य नारायण लाइभ इन नेपाल’ मा उनि दोस्रो पटक नेपाल आएका हुन् । उनि ८ वर्ष अगाडी पोखरामा आएका थिए ।